सातारा जिल्हा बँक निवडणूक 2021: सातारा जिल्हा बँक निवडणुकीत राष्ट्रवादीचे आमदार शशिकांत शिंदे यांचा पराभव. SDB Election News Satara!
सातारा जिल्हा बँक निवडणूक 2021: सातारा जिल्हा बँक निवडणुकीत राष्ट्रवादीचे आमदार शशिकांत शिंदे यांचा पराभव.सातारा जिल्हा बँकेच्या निवडणुकीत धक्कादायक निकाल
SDB Election News Satara
 |
सातारा जिल्हा बँक निवडणूक 2021: पश्चिम महाराष्ट्रातील दोन महत्त्वाच्या जिल्हा बँकांच्या तिजोरीच्या चाव्या कोणाकडे जाणार याकडे सर्वांचे लक्ष लागले आहे. तसेच साताऱ्यात राष्ट्रवादीला मोठा फटका बसला आहे. राष्ट्रवादीचे नेते आणि माजी मंत्री शशिकांत शिंदे यांचा अवघ्या एका मताने पराभव झाला आहे. शिंदे यांच्या विरोधात उभे असलेले राष्ट्रवादीचे बंडखोर ज्ञानदेव रांजणे विजयी झाले आहेत. शशिकांत शिंदे यांना 24 तर विजयी उमेदवार ज्ञानदेव रांजणे यांना 25 मते मिळाली. शशिकांत शिंदे यांचा पराभव हा राष्ट्रवादीसाठी मोठा धक्का मानला जात आहे. दरम्यान, सातारा जिल्हा बँकेच्या निवडणुकीत 21 पैकी 11 जागा बिनविरोध निवडून आल्या, तर 10 जागांसाठी आज मतमोजणी सुरू आहे. या निवडणुकीत भाजप आणि राष्ट्रवादीचे पॅनल आहे. महाविकास आघाडीतील पक्ष एकमेकांसमोर उभे ठाकले.
सातारा जिल्हा मध्यवर्ती बँकेच्या निवडणुकीत ९६ टक्के मतदारांनी मतदानाचा हक्क बजावला. 21 जागांसाठी निवडणूक लढवली असताना त्यातील 11 जागा बिनविरोध झाल्या. मात्र, उर्वरित दहा जागांसाठी झालेल्या मतदानादरम्यान अनेक मतदान केंद्रांवर हायव्होल्टेज ड्रामा पाहायला मिळाला. त्यात माजी मंत्री शशिकांत शिंदे यांच्या विरोधात आपलेच कार्यकर्ते असलेले ज्ञानेश्वर रांजणे निवडणुकीच्या रिंगणात उभे होते. या वादावरून दोन समर्थकांमध्ये तणावाचे वातावरण होते. तसेच या निवडणुकीत शशिकांत शिंदे यांचा पराभव होणार आहे.
सातारा जिल्हा बँकेच्या निवडणुकीत 'या' जागा बिनविरोध
सातारा जिल्हा बँकेच्या निवडणुकीत 11 जागा बिनविरोध झाल्या. रामराजे नाईक निंबाळकर, खासदार उदयनराजे भोसले, आमदार शिवेंद्रसिंहराजे भोसले, दत्तनाना धमाळ, नितीन पाटील, अनिल देसाई, सुरेश बापू सावंत, लहुराज जाधव, आमदार मकरंद पाटील, राजेंद्र राजपुरे, शिवरूपराजे खर्डेकर आदी उपस्थित होते.
दरम्यान, पश्चिम महाराष्ट्रातील दोन महत्त्वाच्या जिल्हा बँकांच्या तिजोरीच्या चाव्या कोणाकडे जाणार याकडे महाराष्ट्राचे लक्ष लागले होते. सातारा आणि सांगली जिल्हा बँक निवडणुकीची आज मतमोजणी झाली. सातारा जिल्हा बँकेच्या अकरा जागा बिनविरोध निवडून आल्या असून दहा जागांसाठी मतदान झाले. साताऱ्यात राष्ट्रवादीचे नेते आणि माजी मंत्री शशिकांत शिंदे यांचा पराभव होऊ शकतो, अशी चर्चा होती. शिंदे यांच्या विरोधात उभे राहिलेल्या ज्ञानदेव रांजणे यांना शिंदे यांच्या विरोधकांनी बळ दिल्याची चर्चा होती. सांगली जिल्हा बँकेत महाविकास आघाडीचे सहकार विकास पॅनल आणि भाजपचे शेतकरी विकास पॅनल अशी सरळ निवडणूक होती. मात्र क्रॉस व्होटिंगमुळे अनेक उमेदवारांच्या भुवया उंचावल्या आहेत. या पार्श्वभूमीवर दोन्ही बँकांच्या मतमोजणीकडे सर्वांचे लक्ष लागले होते.
प्रतिनिधी-मोहिनी लोंढे