मुबंईत सर्वत्र जुगाराचे अड्डे बंद… मग शाहूनगर पोलीस ठाणे यांच्या हद्दीतच कसे सुरु ? मुंबई पोलीस आयुक्त यांना सवाल..? Mumbai News
मुबंईत सर्वत्र जुगाराचे अड्डे बंद… मग शाहूनगर पोलीस ठाणे यांच्या हद्दीतच कसे सुरु ? मुंबई पोलीस आयुक्त यांना सवाल..?
मुंबई विशेष प्रतिनिधी:-
सूत्रांकडून मिळालेल्या माहिती नुसार लॉकडाऊन संपल्यानंतर काही गुन्हेगारी प्रवृतीच्या लोकांनी परत शासन आणि पोलिसांचे सर्व नियम धाब्यावर बसवून राजरोसपणे जगाराचे अड्डे सुरु केलेले आहेत.
मुंबई शहर आणि उपनगरात पोलिसांनी थेट कारवाही करत जुगाराचे अड्डे बंद केलेले असताना शाहूनगर पोलीस स्टेशन पासून हाकेच्या अंतरावर असलेल्या सायन 90 फीट रोड,कामराज मेमोरीयल हायस्कूल जवळ आणि राधा मेडिकलच्या समोर, नेहरू चाळ, लक्ष्मी चाळ, लेबर कंपाउंड मध्ये रोज ठिकाण बदलून जुगाराचे अड्डे सुरु आहेत.भूमिपुत्राना आणि माध्यमावर्गी यांना देशोधडीला लावणाऱ्या या जुगाराच्या अड्डयावर शाहूनगर पोलीस स्टेशनचे वरिष्ठ पोलीस निरीक्षक कारवाई करण्यास का कचरात आहे ? हा सवाल सध्या मुंबईतील जनतेस पडला आहे. शाहूनगर पोलीस ठाणे, मुंबई यांचे कामगिरीवर प्रश्न चिंन्ह उभा राहिलेले आहे. या अनुषंगाने पुन्हा मुंबई पोलीस यांचे कामगिरीवर प्रश्न चिन्ह उभा राहिले आहे. सर्वत्र मुंबईत जुगाराचे अड्डे बंद असताना शाहूनगर पोलीस ठाण्याच्या कार्यक्षेत्रातच हे अड्डे कसे सुरु आहेत..? या विषयी शंका व्यक्त कारण्यात येत आहे. शाहूनगर मध्ये रात्रं दिवस बार, जुगाराचे अड्डे , बेकायदेशीर मद्य विक्री, क्रिकेट बेटिंग राजरोसपने सुरु आहे .यामध्ये रोज लाखो रुपयाची उलाढाल होत असून या पैशाचा किती हिस्सा कोणाला आणि किती दिला जातो हा मुंबईतील जनतेचा चर्चेचा आणि संशोधनाचा विषय झालेला आहे.
मुंबई पोलिसांना अकार्यक्षमतेचे आणि निशक्रियतेचे धनी करणाऱ्या या जुगाराच्या अड्डेयावर पोलीस आयुक्त यांनी कायदेशीर कारवाई करून ते त्वरित बंद करावेत व अनेक सामान्य जनतेची कुटुंबे उद्वस्थ होण्यापासून वाचवावीत अशी मागणी मुंबईतील तमाम माता भगिनी व मध्यमवर्गीय जनतेची आहे..