संस्थापक अध्यक्ष विजय जाधव यांच्या मार्गदर्शनाखाली भैरव क्रांती सेनेच्या प्रदेश कार्यकारिणीवर नवीन १५ सदस्यांची नियुक्ती
निवड झालेल्या नवीन प्रदेश कार्यकारिणी सदस्यांची नावे:
अक्षय शंकर शिंदे, दत्ता धोंडिराम शेगर, सागर दत्तात्रय पवार, प्रिया विक्रम पवार, रेखा विनायक काटे, कविता प्रशांत बागल, दीपक राजाराम कोष्टी, रमेश गणपत सावंत, अनिल हरिभाऊ चौगुले, अनिल राम लगस, धनंजय माळवे, शुभम प्रदीप पवार, धिरज अनिल जाधव, संजय गंगाधर पवार, सानवी संदीप शिंदे.
विशेष म्हणजे, कार्यकारिणीत महिलांनाही योग्य स्थान देण्यात आले असून समाजातील महिलांचे विविध प्रश्न सोडविण्यासाठी संघटनेतून ठोस पावले उचलली जाणार आहेत.
महाराष्ट्र शासनाच्या मार्गदर्शनाखाली आणि भैरव क्रांती सेनेच्या माध्यमातून फिरते रेशनिंग कार्ड, विधवा योजना, देवदासी योजना तसेच कलाकार योजना या शासकीय योजनांचा लाभ देण्यासाठी दि. ८ ऑक्टोबर २०२५ रोजी येवलेवाडी भैरवनाथ मंदिर येथे एक विशेष शिबिराचे आयोजन करण्यात आले आहे. हे शिबिर हवेली तालुक्यातील भटक्या विमुक्त समाजातील लाभार्थ्यांसाठी आयोजित करण्यात आले असून सर्व कायदेशीर प्रक्रिया पूर्ण केल्या जाणार आहेत.
शिबिरासाठी तहसीलदार, नायब तहसीलदार तसेच विविध विभागांचे वरिष्ठ अधिकारी उपस्थित राहणार आहेत.
मंगळवारी दुपारी ४ वाजता सर्व नवनियुक्त प्रदेश कार्यकारिणी सदस्यांचा पदग्रहण समारंभ व सत्कार सोहळा पार पडणार असून त्यांना संघटनेतील जबाबदाऱ्या देण्यात येणार आहेत.
संस्थापक अध्यक्ष विजय जाधव साहेब म्हणाले, संपूर्ण महाराष्ट्रातील भटक्या विमुक्त, गोर-गरीब, वंचित, कष्टकरी, शेतकरी आणि कलाकार समाजातील लोकांच्या सर्वांगीण विकासासाठी आमचे प्रयत्न सुरू आहेत. ही चळवळ सर्व स्तरावर पोहोचविण्याचा आमचा संकल्प आहे.